काठमाडौँ । सेयर लगानीकर्ता दीपेन्द्र अग्रवाललाई काठमाडौँ जिल्ला अदालतले ३ दिन हिरासतमा राखेर अनुसन्धान गर्न प्रहरीलाई अनुमति दिएको छ । उनी आज दिउँसो पक्राउ परेका थिए ।
काठमाडौँका एसएसपी विश्व अधिकारीका अनुसार उनी विरुद्ध ठगी र आपराधिक लाभ लिन नहुने कसुरमा अनुसन्धान भइरहेको छ । धनुषाको जनकपुर उपमहानरपालिका–१ घर भएर काठमाडौँ बस्दै आएका दिनेशप्रसाद शाहले ६ करोड ४५ लाख रुपैयाँ ठगी गरेको आरोपमा जाहेरी दिएपछि उनीविरुद्ध पक्राउ पूर्जी जारी गरिएको प्रहरीको भनाई छ।
दीपेन्द्र अग्रवालले भने उल्टै आफ्नो पैसा लिनुपर्ने बताएका छन् ।
