काठमाडौँ । श्रीनगर एग्रीटेक इन्डष्ट्रीज लिमिटेडले प्राथमिक सेयर (आईपीओ) निष्कासनको अनुमति पाएको छ । कम्पनीलाई साउन १३ गते नेपाल धितोपत्र बोर्डले आईपीओ निष्कासनको स्वीकृति प्रदान गरेको हो ।

बोर्डले कम्पनीलाई जारी पूँजीको २० प्रतिशतका दरले हुन आउने ३२ करोड ६२ लाख ५० रुपैयाँ बराबरको ३२ लाख ६२ हजार ५०० कित्ता सेयर निष्कासनको अनुमति दिएको हो ।

कम्पनीको आईपीओ निष्कासन तथा बिक्री प्रबन्धमा नबिल इन्भेष्टमेन्ट बैंकिङ लिमिटेड रहेको छ । बोर्डबाट आईपीओ निष्कासनको अनुमति पाएसँग थप प्रक्रिया अघि बढाएको कम्पनीले जनाएको छ ।