काठमाडौँ । कामना सेवा विकास बैंकले कमलादी, काठमाडौं स्थित स्काई वाक नेपालसँग सेवा शुल्क छुट सम्बन्धी सम्झौता गरेको छ । स्काई वाक टावर चढ्दा बैंकका ग्राहकहरुलाई छुट प्रदान गर्ने विषयमा सम्झौता भएको हो ।
सम्झौता अन्तर्गत बैंकका कर्मचारी र ग्राहकहरुले स्काई वाक नेपालको टिकट रकममा २५ प्रतिशत छुट प्राप्त गर्न सक्नेछन् । बैंकको ग्राहकहरुले बैंकसँगको आबद्धता भएको प्रमाणको आधारमा यो सुविधा सहजै प्राप्त गर्न सकिनेछ ।
सम्झौताबाट बैंकसँग आबद्ध सम्पूर्ण ग्राहकहरुले विशेष लाभ लिने बैंकले विश्वास लिएको छ ।
उक्त छुट सम्बन्धी सम्झौतामा बैंकका तर्फबाट काठमाडौं क्षेत्र प्रमुख केदारनाथ शर्मा र स्काई वाक नेपालका विभागीय प्रमुख दुष्यन्त ठाकुरले हस्ताक्षर गरेका छन् ।
