काठमाडौँ । समृद्धि फाइनान्सको बनेपा शाखाले नि:शुल्क पानी वितरण गरेको छ । फाइनान्सले शनिबार परेको कृष्ण जन्माष्टमीको अवसरमा बनेपास्थित कृष्ण मन्दिर, लायकु चोक परिसरमा भक्तजनहरूलाई निःशुल्क पानी वितरण गरेको हो ।
धार्मिक तथा सांस्कृतिक महत्व बोकेको उक्त पर्वमा बिहानदेखि बेलुकीसम्म मन्दिरमा आएका भक्तजनहरूको भीडलाई ध्यानमा राख्दै शाखाले सामाजिक उत्तरदायित्वअन्तर्गत यो कार्यक्रम आयोजना गरेको जनाएको छ ।
उक्त अवसरमा करिब १००० भन्दा बढी भक्तजनहरूले प्रत्यक्ष सेवा प्राप्त गरेका थिए । भक्तजनहरूले गर्मी मौसममा गरिएको पानी वितरणले आफूलाई ठूलो राहत पुगेको प्रतिक्रिया दिएका थिए ।
शाखाका प्रतिनिधिहरूका अनुसार यस किसिमका साना तर अर्थपूर्ण सामाजिक कार्यहरूले स्थानीय समुदायसँग सम्बन्ध अझ मजबुत बनाउन मद्दत पुर्याउने विश्वास लिएको छ ।
