काठमाडौँ । सेयर बजारको नियामक नेपाल धितोपत्र बोर्डले कर्मचारी मागेको छ । बोर्डले एक सूचना जारी गर्दै विभिन्न पदमा कर्मचारी मागेको हो । 

बोर्डले जारी गरेको सूचना अनुसार बोर्डले सहायक निर्देशक (अधिकृत तृतीय) र वरिष्ठ सहायक (सहायक प्रथम) तहका पदहरूमा कर्मचारी माग गरेको छ । 

बोर्डका अनुसार सहायक निर्देशक प्रशासन समूहमा खुला १, कानून समूहमा मधेशी समावेशी १ र दलित समावेशी १ पदमा दरखास्त माग गरिएको छ । त्यस्तै, वरिष्ठ सहायक प्रशासन समूहमा खुला १ र महिला समावेशी १ गरी थप पदहरूका लागि पनि आवेदन माग गरिएको छ । 

बोर्डले आह्वान गरेका पदमा खुला तथा समावेशी प्रतियोगितात्मक परीक्षाद्वारा पदपूर्ति गरिनेछ । योग्यता पुगेका उम्मेदवारहरुले असोज २ गतेभित्र बोर्डको आधिकारिक वेबसाइटमार्फत आवेदन दिन सक्नेछन् । आवेदन दोब्बर दस्तुर तिरेर असोज ९ गतेसम्म बुझाउन सकिनेछ । यस्तो छ बोर्डको सूचना: