काठमाडौँ । जेलबाट भागेका सहकारीका अध्यक्ष पक्राउ परेका छन् । नख्खु कारागारबाट भागेका शिव शिखर सहकारीका अध्यक्ष केदारनाथ शर्मा पक्राउ परेका हुन् ।
उनलाई प्रहरीको केन्द्रीय अनुसन्धान ब्युरो (सीआईबी)ले पक्राउ गरेको हो । शर्मालाई बुधबार सानेपाबाट पक्राउ गरिएको प्रहरीले जनाएको छ ।
पक्राउपछि सहकारी ठगी प्रकरणमा पुर्पक्षका लागि कारागार चलान भएका शर्मालाई पुनः नख्खु कारागारमै फर्काइएको छ । उनलाई बुधबार नै कारागारमा बुझाइएको सीआईबीका एक अधिकारीले बताएका छन् ।
