काठमाडौँ । राष्ट्रपति कार्यालय (शीतल निवास) तोडफोड र लुटपाट गर्ने तीन जना पक्राउ परेका छन् ।  गत भदौ २३ र २४ गतेको जेन-जी आन्दोलनका क्रममा राष्ट्रपति कार्यालय तोडफोड र लुटपाट गर्ने तीन जना पक्राउ परेका हुन् ।

पक्राउ पर्नेमा बैतडीको मेलौली नगरपालिका-७ का १८ वर्षीय विशाल सिंह कार्की, बैतडीकै सुर्नया गाउँपालिका-८ का १९ वर्षीय दीपक बोहरा र बझाङको बित्थडचिर गाउँपालिका-१ का १९ वर्षीय हेमन्त बोहरा रहेका छन् ।

उनीहरुले राष्ट्रपति कार्यालय तोडफोड, आगजानी गर्नु साथै महत्वपूर्ण सामान चोरी गरेको आरोप लागेको छ । प्रहरीले उनीहरुको साथबाट राष्ट्रपति कार्यालयका प्रिन्टर, वाईफाई राउटर लगायतका सामग्री बरामद गरेको छ ।

उनीहरुविरुद्ध चोरी तथा आपराधिक उपद्रवको कसुरमा काठमाडौं जिल्ला अदालतमा मुद्दा दर्ता गरिएको छ ।