काठमाडौँ । सरकारले वैदेशिक रोजगारीमा जाँदा अनिवार्य स्वास्थ्य परीक्षण गर्दा लाग्ने महँगो शुल्क खारेज गरेको छ । श्रम, रोजगार तथा सामाजिक सुरक्षा मन्त्री राजेन्द्रसिंह भण्डारीले महँगो शुल्क खारेज गरेका हुन् । 

योसँगै अब वैदेशिक रोजगारीमा जाँदा गर्नुपर्ने अनिवार्य स्वास्थ्य परीक्षण ६ हजार पाँच सयमै हुने भएको छ । 

यसो त यसअघि तत्कालीन श्रममन्त्री शरदसिंह भण्डारीले २०८१ मंसिरमा नै यस्तो शुल्क बढाएर ९ हजार ५ सय पुर्याएका थिए । तर, चौतर्फी विरोधपछि सो शुल्क कार्यान्वयन भएको थिएन । केही समयअघि मात्र स्वास्थ्य परीक्षणमा गरिएको शुल्क वृद्धि लागू भएको थियो ।

तर, गरिब तथा विपन्न वर्गका कामदार महँगो शुल्कको चपेटामा परेको भन्दै चौतर्फी विरोध भएपछि मन्त्रीस्तरीय निर्णयबाटै उक्त शुल्क खारेज भएको छ ।