काठमाडौँ । नेकपा एमालेले ताप्लेजुङबाट क्षितिज थेवेलाई उम्मेदवारको टिकट दिएको छ । एमाले अध्यक्ष ओलीले एमाले निकट राष्ट्रिय युवा संघ नेपालमा अध्यक्ष समेत रहेका थेवेलाई टिकट दिएका हुन् ।

योसँगै फागुन २१ गते हुने प्रतिनिधि सभा सदस्यको निर्वाचनमा ताप्लेजुङबाट थेवे उम्मेदवार हुनेछन् ।

तर, ताप्लेजुङबाट २०७४ र २०७९ मा चुनाव जितेका योगेश भट्टराईलाई नै एमालले ‘बाईपास’ गरेको छ । आफूलाई ‘बाईपास’ गरेर अर्कैलाई टिकट दिइएपछि र ताप्लेजुङ मात्र नभएर अन्य निर्वाचन क्षेत्रमा पनि यस्तै भएको भन्दै भट्टराई टिकट वितरणमा असन्तुष्टि जनाएका छन् । 

भट्टराई एमालेको उपमहासचिव समेत हुन् ।