काठमाडौँ । निर्वाचनका लागि आचारसंहिता लागू भएको छ । माघ ११ गते हुने राष्ट्रिय सभा र फागुन २१ गते हुने प्रतिनिधि सभा सदस्यका लागि आचारसंहिता लागू भएको हो । 

निर्वाचन आचारसंहिता लागू भएसँगै अब सरकारी नियुक्ति, सरुवा र बढुवा पूर्ण रुपमा बन्द भएको छ । 

अर्थात, आचारसंहिता लागू भएपछि कुनै पनि सरकारी वा सार्वजनिक निकायमा नयाँ पद सिर्जना गर्न, नियुक्ति गर्न र सरुवा वा बढुवा गर्न नपाइने भएको छ । अत्यावश्यक हुँदा निर्वाचन आयोगसँग अनिवार्य अनुमति लिनुपर्नेछ । 

आचारसंहिता माघ ४ गते (आइतबार) रातीदेखि लागू भएको छ । आचारसंहिता सबै तहका सरकारी कार्यालय, सार्वजनिक संस्थान, विश्वविद्यालय, संघसंस्था तथा प्रतिष्ठान, राजनीतिक दल तथा उम्मेदवारका लागि लागू हुनेछ ।