काठमाडौँ । सञ्चारमन्त्री जगदीश खरेलले राजीनामा दिने भएका छन् । उनले आजै (सोमबार) पदबाट राजीनामा दिने तयारी गरेका हुन् । 

खरेल निकट स्रोतका अनुसार उनी फागुन २१ गते हुने प्रतिनिधि सभा सदस्यको निर्वाचनमा सहभागी हुने तयारीमा छन् । सोही कारण उनले पदबाट राजीनामा दिने भएका छन् ।

यसअघि खरेलले आइतबार पत्रकार सम्मेलनमा चुनाव लड्ने/नलड्ने विषयमा कुनै निर्णय नगरेको बताएका थिए । तर, उनले पत्रकारहरुसँग ‘सो विषयमा अर्को नियमित पत्रकार सम्मेलनमा भनौँला’ भनेका थिए । 

खरेल ललितपुर-२ बाट चुनाव लड्ने चर्चा छ । उनी राष्ट्रिय स्वतन्त्र पार्टी (रास्वपा) बाट चुनावमा होमिने तयारीमा छन् ।