- अर्थ सरोकार सम्बाददाता
सुर्खेत । कर्णाली प्रदेशमा पछिल्लो २४ घण्टामा ६ महिने बालकसहित ९ जनामा संक्रमण पुष्टी भएको छ ।सुर्खेतस्थित प्रदेश अस्पताल, पशुपन्छी रोग अन्वेषण प्रयोगशाला र कर्णाली स्वास्थ्य विज्ञान प्रतिष्ठान जुम्ला प्रयोगशालामा गरिएको परीक्षणबाट आइतबार थप ९ जनामा संक्रमण पुष्टी भएको हो ।
जुम्लाका चार जना, सुर्खेत र कालीकोटका दुई/दुई जना र दैलेखका एक जनामा संक्रमण देखिएको सामाजिक विकास मन्त्रालयको स्वास्थ्य सेवा महाशाखाका प्रमुख डा. लक्ष्मीनारायण तिवारीले जानकारी दिए । यस्तै, कर्णालीमा आइतबार थप १२ जना डिस्चार्ज भएका छन् । यससँगै प्रदेशमा डिस्चार्ज हुनेको संख्या १८८० पुगेको स्वास्थ्य महाशाखाले जनाएको छ ।
