काठमाडौँ । मध्यपूर्वको तनावका बीच साउदी अरेबियाको राजधानी रियादस्थित अमेरिकी दूतावासमा ड्रोन आक्रमण भएको छ । यद्यपि सो आक्रमणबाट भएको क्षतिको विस्तृत विवरण प्राप्त भइसकेको छैन । 

सो दूतावासको सुरक्षामा खटिएका करिब ७० प्रतिशत सुरक्षाकर्मी नेपाली रहेको त्यहाँका युवाहरुले बताएका छन् । हालसम्म सबै सुरक्षित भए पनि परिवारमा पीर बढेको छ भने उनीहरु पनि आत्तिएका छन् ।

खाडी क्षेत्रमा बढ्दो द्वन्द्व र सुरक्षा चुनौतीबीच नेपाली नागरिकको अवस्थाप्रति चौतर्फी चासो बढेको छ । केही नेपालीहरुले आत्तिँदै सरकारलाई उद्दारका लागि अपिल गरेका छन् । नेपाली नागरिक दिवस श्रेष्ठको आक्रमणमा परी निधन भएको खबरले नेपालीहरु थप आत्तिएका छन् ।

नेपाली दुतावासले नेपालीहरुलाई सुरक्षित रहन र बाहिर ननिस्किन आग्रह गरेको छ ।