- अर्थ सरोकार सम्बाददाता
काठमाडौं । सिनर्जी पावर डेभलपमेन्ट लिमिटेड ६ करोड २६ लाख ५३ हजार रुपैयाँ खुद नाफा कमाएको छ । कम्पनीले चालु आर्थिक वर्षको तेस्रो त्रैमासको वित्तीय विवरण सार्वजनिक गर्दै नाफा १३.५५% ले घटेर ६ करोड २६ लाख ५३ हजार रुपैयाँ कमाएको जनाएको हो । गत वर्षको सोहि अवधिमा कम्पनीले ७ करोड २४ लाख ७४ हजार रुपैयाँ खुद नाफा कमाएको थियो ।
यस्तै वित्तीय विवरण अनुसार यस अवधिमा विद्युत् बिक्रीबाट आम्दानी पनि १६ करोड ३३ लाख रुपैयाँबाट घटेर १५ करोड ४ लाख रुपैयाँमा आएको छ । कम्पनीको प्रशासनिकलगायत अन्य खर्चहरुमा पनि वृद्धि भएको छ ।
अहिले सिनर्जीको चुक्ता पुँजी ७३ करोड ३२ लाख ५० हजार रुपैयाँ छ भने रिजर्भ कोषमा ६ करोड ३४ लाख ८१ हजार रुपैयाँ जम्मा गरेको छ । कम्पनीको प्रतिसेयर आम्दानी (वार्षिक) बढेर ११ रुपैयाँ ३९ पैसामा कायम भएको छ ।यस्तै प्रतिसेयर नेटवर्थ भने १०८ रुपैयाँ ६६ पैसा रहेको छ ।
