काठमाडौँ । केहि दिन अघि नेपाल इन्भेष्टमेन्ट मेगा बैंकका सीइओले आफु बैंक छोड्ने भन्दै संचालक समितिका सदस्यहरुलाई जानकारी दिए । केहि संचालकले स्मार्ट टेलिकमको केस चलिरहेकाले राजिनामा दिएको राम्रो भन्ने सुझाव दिए, त केहिले केहि दिन सोचौँ भने । परामर्शपछि उनले आफुले बैंक छोडेको जानकारी केहि संचालकलाई दिए । तिनै संचालकको भनाई उदृत गर्दै अर्थ सरोकारले पाण्डेले बैंक छाडेको खबर ब्रेक गर्यो ।

अर्थ सरोकारले पाण्डेले बैंक छोडेको खबर सार्वजनिक गर्यो । औपचारिक रुपमा राजिनामा भोलिपल्ट दिने भनिएकाले समाचारमा राजिनामा भन्ने उल्लेख नगर्नु भन्ने संचालकको अनुरोध थियो । तर बैंक छाडेको समाचार यति छिट्टै चर्चाको विषय बन्यो कि पाण्डेले तत्काल राजिनामा दिँदा गलत सन्देश जाने भन्दै राजिनामा रोकियो र बैंकले उनले राजिनामा नदिएको दाबीसहितको विज्ञप्तिसमेत जारी गर्यो ।

तर त्यसको भोलिपल्ट पाण्डे पक्राउ परेका छन् । पक्राउ परेपछि उनी स्वत: बैंकको सीइओमा निलम्बनमा परेका छन् । फौजदारी केसमा पक्राउ परेपछि सीइओ निलम्बनमा पर्ने कानुनी व्यवस्था छ । राजिनामाको सेफल्याण्ड लिन खोज्दा उल्टै पाण्डे निलम्बनमा परेका छन् ।

यो पनि:नेपाल इन्भेष्टमेन्ट मेगा बैंकका सिइओ* पाण्डे पक्राउ !

आजै बैंकले आकस्मिक संचालक समितिको बैठक बसेर थप निर्णय गर्ने बैंकका संचालकले जानकारी दिएका छन् । ती संचालकका अनुसार केहि दिन कुर्ने, ब्याक डेटमै आएको राजिनामा स्वीकृत गर्ने वा कामु सीइओ नियुक्त गर्ने भन्ने विषयमा छलफल हुनेछ । बैठक अगाडी राष्ट्र बैंकसँग पनि बस्ने योजना रहेको ती संचालकको भनाई छ ।

यो पनि:सरकारको सम्पत्ति एनआईएमबि बैंकले लिलाम गरेको प्रकरणः स्मार्ट टेलिकमका सञ्चालक पक्राउ, बैंकका हाकिमहरुमाथि पनि अनुसन्धान हुने !

यो पनि:एनआईएमबि बैंकमा जताततै बदमासी, गाईघाट शाखाकी कर्मचारीले पनि ग्राहकको करोडौँ रकम चोरिन्, अहिले खोरमा !

यो पनि:नेपाल इन्भेष्टमेन्ट मेगा बैंकको अर्को बदमासीको खुलासा, राज्यलाई नै घाटा हुनेगरी सरकारी सम्पत्ति लिलामी ! (भिडियो)