काठमाडौँ । सेयर कारोबारी दीपेन्द्र अग्रवाल धरौटीमा छुटेका छन् । अदालतमा विचाराधीन पुरानै मुद्दामा उपस्थित गराउन पक्राउ परेका अग्रवाल धरौटीमा रिहा भएका हुन् । 

अग्रवाललाई प्रहरीको केन्द्रीय अनुसन्धान ब्युरो (सीआईबी)को टोलीले बुधबार उनको आफ्नै निवासबाट पक्राउ गरेको थियो । 

पक्राउ परेका अग्रवाल अदालतको आदेश अनुसार १० लाख रुपैयाँ धरौटी बुझाएर रिहा भएको सीआईबीका प्रवक्ता तथा एसएसपी अनुपम शमशेर जबरा पुष्टि गरेका छन् । 

यसो त अग्रवाललाई पक्राउ गरेर बुधबार नै अदालतमा उपस्थित गराइएको थियो । तर, बुधबार थुनछेक बहस नसकिएपछि उनी हिरासतमै बस्नुपरेको थियो । बिहीबार धरौटी बुझाएसँगै उनी रिहा भएका छन् ।