Skip to content
LAXMI SUNRISE BANK

ओलीको दाबी- ‘एमाले फेरी सरकारमा फर्किन्छ, मूल ढोकाबाटै सिंहदरबार पस्छौँ’

अर्थ सरोकार

काठमाडौँ । एमाले अध्यक्ष केपी शर्मा ओलीले एमाले पुनः सरकारमा फर्किने दाबी गरेका छन् । पार्टीको राष्ट्रिय भेलालाई सम्बोधन गर्दै ओलीले यस्तो दाबी गरेका हुन् । 

उनले एमालेलाई जनविरोधी र देशको अहित चाहने शक्तिले चौतर्फी घेराबन्दीमा पारेर असंवैधानिक बाटोबाट सत्ताबाट हटाएको भन्दै एमाले पुनः सत्तामा पुग्ने बताएका छन् । 

उनले एमाले फेरि सरकारमा फर्किने र देशको विकास तथा समृद्धिका कामलाई अगाडि बढाउने बताएका छन् । एमालेले अघि सारेको ‘समृद्ध नेपाल, सुखी नेपाली’को राष्ट्रिय आकांक्षालाई अझ स्पष्ट दृष्टिकोण र दृढताका साथ अघि बढाउने ओलीको भनाई छ ।

त्यस्तै, ओलीले सामाजिक सञ्जालमा एमालेको राजनीतिक भविष्यलाई लिएर भइरहेको टिप्पणीप्रति कटाक्ष गर्दै केही समय फेसबुकमा आलोचना गर्दै बस्न आग्रह गरेका छन् । ओलीले फेरि एमाले सिंहदरबारको मूल ढोकाबाट प्रवेश गर्ने दाबी गरेका छन् ।

Hamro Patro Remit

प्रतिक्रिया दिनुहोस्

GARIMA BIKAS BANK