- अर्थ सरोकार सम्बाददाता
रौतहट । रौतहटबाट स्रोत नखुलेको ८ लाख रुपैयाँसहित एक जना पक्राउ परेका छन् । पक्राउ पर्नेमा इशनाथ नगरपालिका ४ का धर्मेन्द्र साह रहेका छन् । रौतहटका प्रहरी प्रवक्ता एवं डीएसपी भरत श्रेष्ठका अनुसार प्रदेश र जिल्लाको संयुक्त प्रहरी गस्ती टोलीले ८ लाख रुपैयाँसहित साहलाई नियन्त्रणमा लिएको हो ।
यसअघि जेठ ८ मा रौतहटको इशनाथबाट स्रोत नखुलेको १० लाख रुपैयाँ प्रहरीले बरामद गरेको थियो । पक्राउ परेका उनीमाथि थप अनुसन्धान भईरहेको प्रहरीले जनाएको छ ।
प्रतिक्रिया दिनुहोस्