रौतहट । रौतहटमा मंगलबार एकैदिन ७४ जनामा कोरोना संक्रमणको पुष्टि भएको छ । योसँगै रौतहटमा मात्रै कोरोना संक्रमितको संख्या ३१० पुगेको छ।

संक्रमितमध्ये राजपुर नगरपालिकाका २१ जना, दुर्गा भगवती गाउँपालिकाका १४ जना, राजदेवी नगपालिकाका १८ जना, परोहा नगरपलिकाका ४ जना, गौर नगरपालिकाका १३ जना, गढीमाइ नगरपालिकाका १ जना तथा यमुनामाइ गाउँपालिकाका ३ जना रहेको जिल्ला स्वास्थ्य कार्यालय रौतहटका प्रमुख महेश साहले जानकारी दिए । आज संक्रमण पुष्टि भएका सबै भारतका विभिन्न शहरबाट आएकाहरु रहेका मानिसहरु हुन्।