• अर्थ सरोकार सम्बाददाता 

जनकपुर । सीमानाकामा भोकका कारण मृत्यु भएका परिवारजनलाई शहिदनगर नगरपालिकाले राहत दिने घोषणा गरेको छ । नगरपालिकाले राहतस्वरुप मृतक परिवारलाई एक लाख रुपैयाँ उपलब्ध गराउने भएको हो । धनुषाको जटही सिमानाकामा भोकका कारण मृत्यु सोही नगरपालिका–९ बस्ने ३२ वर्षीय बिरेन्द्रकुमार गुरमैता यादवको मृत्यु भएको थियो ।

नगरपालिकाले राहतस्वरूप मृतकका परिवारलाई १ लाख रुपैयाँ राहत उपलब्ध गराएको नगर प्रमुख उदय बरबरियाले जानकारी दिए । बुधबार भारतको गुजरातबाट घर फर्कने क्रममा नेपाल–भारतको सीमानाका जटहीमा उनको मृत्यु भएको थियो । उनको मृत्युपछि भारतको विभिन्न स्थानबाट आएका नेपालीहरु आक्रोशित भएर प्रदर्शन समेत गरेका थिए ।