• अर्थ सरोकार सम्बाददाता 

विरगञ्ज । गण्डक अस्पतालबाट बुधबार राति थप चार जना कोरोना संक्रमित निको भएर घर फर्किएका छन् । ती चार जनाको लगातार दुई पटकको परीक्षण नेगेटिभ आएपछि डिस्चार्ज गरिएको अस्पतालका डा. उदयनारायण सिंहले जानकारी दिए । उनीहरु चारै जना १२ दिनमै कोरोना भाइरस मुक्त भएका हुन् । 

डिस्चार्ज भएका सबैजना वीरगञ्ज महानगरपालिका वडा नम्बर ३ छपकैया निवासी हुन् । अब कोभिड–१९ विशेष अस्पतालमा पाँचजना मात्रै संक्रमितहरु छन् । अहिलेसम्म वीरगञ्जको नारायणी र गण्डक अस्पतालमा भर्ना भएका १ सय २ जना मध्ये ९७ जना निको भइ घर फर्किसकेका छन् ।