- अर्थ सरोकार सम्बाददाता
जनकपुर । जनकपुरस्थित प्रादेशिक कोरोना विशेष अस्पतालको आइसोलेसन कक्षबाट भागेका सर्लाहीका ४५ वर्षीय पुरुषलाई प्रहरीले पक्राउ गरेको छ । पक्राउ परेकालाई जनकपुरमा लिन नमानेपछि जिल्लामै राखिएको छ ।
आइतबार बिहान आइसोलेसनबाट भागेका उनी आफ्नो घर हरिपूर्वा नगरपालिका ३ धनकौलमा सोमबार बेलुका पुगेका थिए । घर आएपछि प्रहरीले उनलाई पक्राउ गरि फेरी जनकपुर लगेका थिए । तर, प्रादेशिक कोरोना विशेष अस्पतालले लिन नमानेपछि उनलाई सर्लाही सदरमुकाम मलंगवामा २ सन्त अल्पमाई सत्यनारायण यादव नर्सिङ्ग कलेजमा बनाइएको कोरोना विशेष आइसोलेसन कक्षमा राखिएको प्रमुख जिल्ला अधिकारी मोहनबहादुर जिसीले बताए।
