• अर्थ सरोकार सम्बाददाता 

वीरगञ्ज – वीरगञ्जस्थित नारायणी अस्पतालबाट भागेका दुई जना कोरोना संक्रमितमध्ये एकजना अस्पतालको सम्पर्कमा आएका छन्। अस्पतालका मेडिकल सुपरिटेन्डेन्ट डा. मदनकुमार उपाध्यायले एकजना संक्रमित सम्पर्कमा आएको र उनलाई अस्पताल ल्याउने तयारी भएको जानकारी दिएका छन् । 

भागेका अर्का संक्रमितको पनि खोजी भइरहेको उनले बताए । पर्साका प्रहरी प्रमुख एसपी दुर्गा पन्तले पनि दुईजनामध्ये एकजना सम्पर्कमा आएको र उक्त ठाउँमा प्रहरी टोली गइरहेको बताए । नारायणी अस्पतालमा ६९ जना कोरोना संक्रमितको उपचार भइरहेको छ।