• अर्थ सरोकार सम्बाददाता 

काठमाडौँ । बीमा समितिले वाणिज्य बैंक र विकास बैंकहरुको मुद्दती निक्षेपमा लगानी गर्ने भएको छ । समितिले आज एक सूचना जारी गर्दै इच्छुक वाणिज्य बैंक र विकास बैंकहरुले  शिलबन्दी प्रस्ताव बुझाउन आह्वान गरेको हो । 

समितिद्वारा सूचनामा इच्छुक बैंकले अधिकतम ब्याजदर, अन्तिम पटक प्रकाशित त्रैमासिक वित्तीय विवरण, विगत ३ वर्षको नाफा/नोक्सान, बैंकको निष्कृय सम्पत्ति, बैंकको कर्जा निक्षेप अनुपात, स्थापना भएको वर्ष र पूँजी पर्याप्तता कोषलगाएका जानकारी खुलाउनुपर्ने समितिमा पेस गर्नुपर्ने उल्लेख छ  ।

इच्छुक बैंकहरुले ७ दिनभित्र शिलबन्दी दरभाउपत्र पेश गर्नुपर्नेछ । यद्यपि समितिले मुद्दती निक्षेपमा लगानी गर्न चाहेको रकम भने सूचनामा उल्लेख गरेको छैन ।