• अर्थ सरोकार सम्बाददाता 

जनकपुर – प्रादेशिक अस्पताल जनकपुरमा पीसीआर नमुना परिक्षण नहुने भएको छ। पीसीआर प्रयोगशालाको रिपोर्टमा शंका उपशंका उत्पन्न भएपछि तत्कालका लागि प्रयोगशाला बन्द गरिएको हो । 

गत बिहीबार एक युवकको जनकपुरमा दुई पटक गरिएको स्वाब परीक्षणमा नेगेटिभ देखाए पनि काठमाडौंको राष्ट्रिय जनस्वास्थ्य प्रयोगशाला, टेकुमा पोजिटिभ रिपोर्ट आएपछि परीक्षण बन्द गरिएको हो ।

सर्लाहीको धनकौलका किशोर गत वैशाख ५ गते प्रादेशिक अस्पताल जनकपुरधाममा पीसीआर टेस्ट गराउँदा नेगेटिभ रिपोर्ट आएको थियो । त्यसपछि उनलाई अस्पतालबाट डिस्चार्ज गरिएको थियो। तर बिहिबार पुन जनस्वास्थ्य प्रयोगशालामा पुनः परीक्षण गर्दा उनको रिपोर्ट पोजेटिभ रिपोर्ट आएको थियो।

जनकपुरमा गत चैत २१ गतेदेखि पीसीआरमार्फत परीक्षण शुरु भएको थियो । हालसम्म गरिएको सबै परीक्षणको रिपोर्ट नेगेटिभ आएको हस्पिटलले जनाएको छ।