">
- अर्थ सरोकार सम्बाददाता
काठमाडौँ । थर्मल गनको कालोबजारीको आरोपमा पक्राउ परेका चर्चित व्यवसायी शुलभ अग्रवालले प्रहरीको बयानमा आफ्नो गल्ती स्वीकारेपछि उनलाई सरकारी वकिलको कार्यालय लगिएको छ । ‘दशा लागेपछि मति बिग्रियो सर ! म अर्बपति मान्छे, १० हजारमा लोभिएँ’’ बयानका क्रममा अग्रवालको भनाइ उधृत गर्दा दरबारमार्ग प्रहरी स्रोतले अर्थ सरोकार डटकमसँग भन्यो । शुक्रबार उनलाई बयानका लागि सरकारी वकिलको कार्यालय लगिएको छ । बयान सकेर उनलाई पुन: महानगरीय प्रहरी वृत, दरबारमार्ग लागिएको छ । उनी दरबारमार्ग वृत्तबाट सरकारी वकिलको कार्यालयसम्म पुग्दा हातमा लाइटर नै बोकेर गएका थिए । उनी चुरोटका सौखिन छन् ।
उनी सरकारी वकिलको कार्यालय जाँदै गर्दा अर्थ सरोकारको टिम पनि दरबारमार्ग पुगेको थियो । त्यसपछि हामीले हाम्रो मोबाइलमा केहि तस्विरहरु कैद गरेका छौँ । दरबारमार्ग प्रहरी वृत्तदेखि सरकारी वकिलको कार्यालयसम्म हामीले प्रहरीको गाडी फलो गरेर यी तस्विरहरु लिएका हौँ ।
