">
- अर्थ सरोकार सम्बाददाता
मेलम्ची – बन्द रहेको तातोपानी नाका खुल्ने भएको छ । चीनको केन्द्रीय सरकारले तत्काल सञ्चालनमा ल्याउन स्थानीय प्रशासनलाई निर्देशन दिएपछि बन्द रहेको तातोपानी नाका खुल्ने भएको हो । चीन सरकारले कोरोना भाइरस (कोभिड -१९) संग जुध्न नेपाललाइ चाहिने स्वास्थ्य तथा खाद्यान्नका सामग्री पठाउन नाका सञ्चालनमा ल्याउन निर्देशन दिएको हो । उद्योग, वाणिज्य तथा आपूर्ति मन्त्रालयका अनुसार चीनले आफ्नो स्थानीय प्रशासनलाई उक्त निर्देशन दिएको हो ।
सिन्धुपाल्चोकका प्रमुख जिल्ला अधिकारी उमेशकुमार ढकालले आवश्यक समन्वय गरी चाँडै नाका सञ्चालन गरिने जानकारी दिए । यस्तै तातोपानी नाकाका भन्सार प्रमुख लालबहादुर खत्रीले चीनतर्फको भन्सार सुचारु गर्न निर्देशन भइसकेको बताए ।
चीनले कोरोना भाइरस फैलिन नदिन ३ महिना सबै अन्तर्राष्ट्रिय नाका बन्द गरेको थियो ।
