महानगरीय अपराध महाशाखाका अनुसार अग्रवालमाथि ज्वरो नाप्न प्रयोग हुने थर्मल गनको कालोबजारी गरेको आरोप लागेको छ। पाँच हजार रुपैयाँ पर्ने थर्मल गन १५ हजार रुपैयाँमा बिक्री गरेको प्रहरीको आरोप छ।अग्रवालको साथबाट ६६ थान थर्मल गन पनि नियन्त्रणमा लिइएको छ भएन ५ हजार रुपैयाँ मूल्यको हाराहारीमा पाउने उक्त गन उनले १५ हजार रुपैयाँमा बिक्री गरेको पाइएको थियो । उनी उक्त सामान कुटनीति नियोगको २०९ एचसिसी १ नम्बरको गाडिमा थर्मल गन बिक्री गर्न हिँडेको अवस्थामा पक्राउ परेका हुन ।

उनलाई कालोबजारी ऐनअन्तर्गत कारबाही चलाउने गरी अनुसन्धान अगाडि बढाइएको महानगरीय अपराध महाशाखा टेकुका प्रवक्ता एसपी मुकेशकुमार सिंहले जानकारी दिए । कीर्गिस्तानका अवैतानिक महावाणिज्यदूतसमेत रहेका अग्रवालले लकडाउनको समयमा कालोबजारीका लागि कूटनीतिक सवारी प्रयोग गरेकोसमेत प्रहरीले जनाएको छ।