• अर्थ सरोकार सम्बाददाता 

काठमाडौँ । सरकारले दोश्रोपटक पनि म्याद थपेर लकडाउन पुन: एक हप्ता  थपेको छ । सोमबार बसेको मन्त्रिपरिषद् बैठकले उक्त निर्णय गरेको हो । दोश्रोपटक अवधि थपेसँगै लकडाउन अवाधि बैशाख ३ गतेसम्म कायम रहनेछ ।

तर यो बीचमा थप संक्रमित भेटिएमा लकडाउन थपिंदैन भन्न सकिंदैन । ‘कोरोनाको रोकथामको मुख्य तरिका नै लकडाउन हो । संक्रमित थपिए भने रिस्क लिन सकिंदैन ।’ एक मन्त्रीले अर्थ सरोकार डटकमसँग भने, ‘नयाँ संक्रमित भेटिएनन् भने ४ गतेदेखि लकडाउन खुल्छ, नत्र गाह्रो छ । फेरी थपिन सक्छ ।’ ती मन्त्रीले भने ।