काठमाडौं । कोरोना भाइरसका कारण भारतमा मानिसको मृत्यु भएको छ पुष्टी भएको छ । कोरोनाको कारण मृत्यु हुने व्यक्ति भारत कर्नाटकका हुन् । उनी ७६ वर्षका थिए । भारतको स्वस्थ्य मन्त्रालयले एक विज्ञप्ति जारी गर्दै कारोना संक्रमित भएर मृत्य भएको तथ्य पुष्टि गरेको हो । मन्त्रालयका अनुसार ती व्यक्ति १ महिनासम्म साउदी अरबमा बिताएर भारत फर्किएका थिए ।

फर्किएलगत्तै उनी बिरामी परेका थिए । बिरामीलगतै उनको घर पुगेर चिकित्सकले उपचार पनि गरेका थिए । तर, झन्–झन् उनको स्वास्थ्य अवस्था बिग्रिँदै गयो । त्यसपछि ९ मार्चमा उनलाई अस्पताल भर्ना गरिएको थियो । अस्पतालले गरेको परीक्षणपछि उनीमा कोरोना भाइरस रहेको पुष्टि भएको थियो । भारतीय सञ्चारमाध्यमहरूले जनाएअनुसार यहाँका ७४ मानिसमा कोरोना लक्षण देखिएको छ । पछिल्लोपटक थप १२ जनामा पनि कोरोना पुष्टि भएको छ ।

भारतमा यस्तो घटना हुँदा पनि नेपालमा भने उचित सताकर्ता अपनाउन सरकारले काम नगरेको आरोप लागिरहेको छ ।