काठमाडौं – कुमारी बैंकले १ लाख ३० हजार ४० कित्ता संस्थापक सेयर बिक्री गर्ने भएको छ । सार्वजनिक भएको सूचना अनुसार बैंकका संस्थापक सेयरधनी मंजु तापडियाले आफ्नो नाममा रहेकोे सेयर बिक्री गर्न लागेको हो । यसको मूल्य भने खुलाइएको छैन । सेयर खरिद गर्न बैंकको संस्थापक सेयरधनी नै हुनुपर्नेछ ।
किन्न चाहने संस्थापक सेयरधनीले ३५ दिन भित्र बैंकको सेयर रजिष्ट्रार कुमारी क्यापिटल नक्साल वा कुमारीको मुख्य कार्यालय टंगाल काठमाडौंमा सम्पर्क गर्नुपर्नेछ । तोकिएको अवधिमा कोही पनि संस्थापक सेयरधनीबाट आवेदन नआएमा भने सर्वसाधारणका लागि बिक्री खुला गर्न सकिनेछ ।
