काठमाडौं – सपोर्ट माइक्रोफाइनान्स वित्तीय संस्थाले आर्थिक वर्ष २०७५/७६ को चौथो त्रैमासको वित्तीय विवरण सार्वजनिक गरेको छ । सार्वजनिक भएको विवरण अनुसार संस्थाको खुद नाफा १२२.१३% ले बढोत्तरी गरी ५४ लाख ४९ हजार रुपैयाँ कमाएको छ । गत वर्ष संस्थाले २४ लाख ५३ हजार रुपैयाँ खुद नाफा कमाएको थियो ।
यस्तै, संस्थाको खुद ब्याज आम्दानी ५७.६२% वृद्धि गरी ४ करोड २ लाख ३८ हजार रुपैयाँ पुगेको छ । गत वर्ष संस्थाको खुद ब्याज आम्दानी २ करोड ५५ लाख २८ हजार रुपैयाँ मात्र रहेको थियो। साथै, सञ्चालन नाफा १४५.५२% ले बढेर ८५ लाख ६४ हजार रुपैयाँ पुर्याएको छ ।
यो चौथौ त्रैमाससम्ममा संस्थाले १३ करोड ७४ लाख ९६ हजार रुपैयाँ निक्षेप संकलन गरी ६६ करोड १८ लाख ४६ हजार रुपैयाँ कर्जा प्रवाह गरेको छ । हाल संस्थाको चुक्ता पुँजी ६ करोड रुपैयाँ रहेको छ भने जगेडा कोषमा ८९ लाख ४ हजार रुपैयाँ छ ।
यता, कम्पनीले खराब कर्जा १.७९% बाट घटाएर १.३६% मा झारेको छ भने कस्ट अफ फन्ड ११.१९% रहेको छ । प्रतिसेयर आम्दानी ९ रुपैयाँ ०८ पैसा रहेको यसको प्रतिसेयर नेटवर्थ ११४ रुपैयाँ ८४ पैसा छ ।
