काठमाडौं – साधना लघुवित्त वित्तीय संस्थाले आर्थिक समृद्धि लघुवित्तलाई एक्वायर गर्ने भएको छ । साधना लघुवित्तले आर्थिक समृद्धि लघुवित्तलाई १००ः८० सेयर स्वाप रेसियोमा एक्वायर गर्न लागेको हो ।

दुवै लघुवित्तले एक्विजिसन सम्बन्धी प्रस्ताव पारित गर्न जेठ २५ गते विशेष साधारण सभा बोलाएका छन् । उक्त सभामा संस्थाले सम्पति तथा दायित्व मूल्यांकन प्रतिवेदनका आधारमा तय भएको १००ः८० सेयर स्वाप रेसियो पारित गर्ने एजेन्डा पनि रहेको छ । 

यसआधारमा, आर्थिक समृद्धिको हाल १०० कित्ता सेयर हुने लगानीकर्ताले एक्विजिसनपछि साधना लघुवित्तको ८० कित्ता सेयर पाउनेछन् । यता, एक्विजिसनपछि कायम हुने चुक्ता पुँजीको १००% हकप्रद सेयर जारी गर्ने प्रस्ताव पनि रहेको छ । साधनाको साधारण सभा होटल सत्यम, गोरखा नगरपालिका-६, गोरखामा बिहान ११ बजे सुरु हुनेछ । यस्तै, आर्थिक समृद्धिको सभा होटल मुस्ताङ बन्दिपुर, तनहुँमा बिहान ११ बजे बस्नेछ ।