• अर्थ सरोकार सम्बाददाता 

काठमाडौं – नेको इन्सुरेन्सको आर्थिक वर्ष २०७५/७६को प्रथम त्रैमासको वित्तीय विवरण सार्वजनिक भएको छ । सार्वजनिक भएको विवरण अनुसार कम्पनीको खुद नाफा ५ करोड ६७ लाख रुपैयाँ कमाएको छ । यो नाफा गत वर्षको तुलनामा ५७.०६% बढि हो । गत वर्ष कम्पनीले ३ करोड ६१ लाख रुपैयाँ खुद नाफा आर्जन गरेको थियो ।

कम्पनीको खुद बिमा शुल्क ३० करोड ४९ लाख रुपैयाँ आर्जन गरेको छ । यो गत वर्षको भन्दा २९.०८% ले धेरै हो । पुनर्बिमा कमिसनबाट ५ करोड ९२ लाख रुपैयाँ आम्दानी भएको छ । यस अवधिसम्म कम्पनीले ५२ करोड ३९ लाख रुपैयाँ कुल बिमा शुल्क आर्जन गरेको छ । नेकोले १९ करोड ८८ लाख रुपैयाँ दाबी भुक्तानी गरेको छ ।

भुक्तानी हुन बाँकी दाबी रकम ३७ करोड ९९ लाख रुपैयाँ छ । यस इन्सुरेन्सको जारी बिमा लेखको संख्या ६८ हजार ४६३ पुगेको छ । नेकोको चुक्ता पुँजी १ अर्ब १७ करोड ६२ लाख रुपैयाँ रहेको छ भने जगेडा कोषमा ३६ करोड ३४ लाख रुपैयाँ छ । 

कम्पनीले बिमा कोषमा ४५ करोड ८२ लाख रहेको छ । नेकोले महाविपत्ति जगेडा कोषमा पनि ४ करोड १९ लाख रुपैयाँ राखेको छ । इन्सुरेन्सको प्रतिसेयर आम्दानी १९ रुपैयाँ ३० पैसा (वार्षिक) र प्रतिसेयर नेटवर्थ १७३ रुपैयाँ ४२ पैसा छ ।