काठमाडौँ – एनएमबि बैंक लिमिटेडले आफ्नो २२ औँ वार्षिक साधारण सभा श्रावण ३१ गते, बिहिबार सम्पन्न भएको छ । बैंकको साधारण सभा नेपाल प्रशासनिक प्रतिष्ठान (स्टाफ कलेज) जावलाखेल ललितपुरमा सञ्चालक समितिका अध्यक्ष पवनकुमार गोल्याणको अध्यक्षतामा सम्पन्न भएको छ ।
साधारण सभाले एनएमबि बैंकको आर्थिक वर्ष २०७३/७४ को वितरण योग्य मुनाफाबाट शेयरधनीहरुलाई चुक्ता पूँजीको १५ प्रतिशत बोनश शेयर र ०.७८९५ प्रतिशत नगद लाभांश (कर प्रायोजनका लागि) वितरण गर्ने पारित गरेको छ ।
बैंकको उपरोक्त वोनश शेयर पश्चात चुक्ता पूँजी रु. ८. अरब ७४ करोड पुग्नेछ । हाल बैंकले ११० वटा शाखा, ४ एक्स्टेन्सन काउन्टर तथा ९६ वटा एटिएम मार्फत सेवा प्रदान गर्दै आएको छ ।
