काठमाडौं – असार २९ गते नेपाल हाइड्रो डेभलपरले वार्षिक साधारण सभा गर्ने भएको छ । सभामा कम्पनीले सञ्चालक समितिको निर्वाचन गर्ने एजेन्डा पेश गर्नेछ । यो हाइड्रोले सञ्चालक समितिमा प्रतिनिधित्व गर्ने संस्थापक सेयरधनीबाट ३ जना र सर्वसाधारणबाट १ जना सञ्चालकको निर्वाचन गर्न लागेको हो ।

यसैगरी, आर्थिक वर्ष २०७३/७४ को वार्षिक प्रतिवेदन, नाफा–नोक्सान हिसाब तथा नगद प्रवाहमा छलफल गर्ने प्रस्ताव पनि सभामा पेश हुनेछ । साधारण सभा गर्न कम्पनीले असार १३ गतेदेखि बुक क्लोज गर्ने भएको छ । असार १२ गतेसम्म कायम सेयरधनीले मात्र साधारण सभामा भाग लिन पाउनेछन् । नेपाल हाइड्रोले यसै आर्थिक वर्षमा आइपीओ बिक्री गरी नेप्सेमा सूचीकृत भएको कम्पनी हो ।