काठमाडौं – नेको इन्सुरेन्स कम्पनीको २ लाख कित्ता संस्थापक सेयर मंगलबारदेखि फेरि लिलामीमा ल्याएको छ । कम्पनीले यसअघि ल्याएको सेयर लिलामी नबिके पछि पुनः लिलामी खुल्ला गरेको हो । यस लिलामीमा सर्वसाधारणले समेत आवेदन दिन सक्नेछन् । यस संस्थापक सेयरको न्यूनतम मूल्य २४२ रुपैयाँ तोकिएको छ । आवेदकले यही २४२ रुपैयाँलाई आधार मानेर बोलकबोलका माध्यमबाट फारम भनुपर्नेछ । 

यसमा व्यक्ति, कम्पनी र संघ संस्थाले आवेदन दिन सक्नेछन् । बोलपत्र भर्ने म्याद असार ११ गतेसम्म छ । बिक्री प्रबन्धक सिद्धार्थ क्यापिटल नारायणचौर, नक्सालबाट आवेदन दिन सकिनेछ । न्यूनतम ५ हजार कित्ता र अधिकतम सबै कित्ताका लागि बोलपत्र प्रस्ताव गर्न पाइनेछ । हाल नेकोको चुक्ता पुँजी ७८ करोड ४१ लाख रुपैयाँ छ ।