काठमाडौं – नेपाल सेवा लघुवित्त वित्तीय संस्थाको आइपीओ आइतबार बाँडफाँट भएको छ । यसमा कुल १६ हजार ७४० जना लगानीकर्ताले १० कित्ताको दरले सेयर पाएका छन् । आइपीओमा २ लाख ५ हजार ३८६ जनाले आवेदन दिए पनि ५४८ जनाको आवेदन रद्द भएको छ । स्वीकृत भएका आवेदकमध्ये १६ हजार ७४० जनाले सेयर पाएका हुन् ।

कम्पनीले वैशाख १२ गतेदेखि १६ गतेसम्म सर्वसाधारणका लागि १ लाख ६७ हजार ४०० कित्ता सेयर बिक्री खुला गरेको थियो । कुल १ लाख ८० हजार कित्तामध्ये ३ हजार ६०० (२%) कित्ता कम्पनीका कर्मचारी र ९ हजार (५%) कित्ता सेयर सामूहिक लगानी कोषलाई छुट्याएर बाँकी रहेको सेयर सर्वसाधारणलाई बिक्री गरिएको हो । नेपाल सेवाकोे केन्द्रीय कार्यालय सिन्धुपाल्चोक जिल्लामा छ ।