• अर्थ सरोकार सम्बाददाता 

काठमाडौं – चालु आर्थिक वर्षको तेस्रो त्रैमासमा एभरेष्ट बैंकले खुद मुनाफा १८.१९ % ले वृद्धि गरेर १ अर्ब ८० करोड ३४ लाख रुपैयाँ कमाए सफल भएको छ । गत बर्षको यहि अवधिमा बैंकले मुनाफा १ अर्ब ५२ करोड ५८ लाख रुपैयाँ कमाएको थियो ।

बैंकले ४ अर्ब ६० करोड ६४ रुपैयाँ चुक्ता पुँजी भएको  ७६ %ले वृद्धि गरी हाल ८ अर्ब १० करोड ६८ लाख रुपैयाँ पुर्याएको छ । चुक्ता पुँजी बढेसँग मुनाफा भने खासै बढको छैन । बैंकले खुद व्याज आम्दानी २१% ले र संचालन मुुनाफा १८ %ले वृद्धि गरेको हुदा मुनाफामा धेरै वद्धि हुन सकेको छैन । जसले प्रेभिजनमा ११ करोड ८० लाख रुपैयाँ राखेको छ ।

बैंकले निक्षेपमा १५.२३% ले वृद्धि गरी १ खर्ब ६ अर्ब ९४ करोड ४० लाख रुपैयाँ संकलन गरेको छ । जसबाट बैंकले कर्जामा ८८ अर्ब १७ करोड ३० लाख रुपैयाँ लगानी गरेको छ । जुन अघिल्लो वर्षको तुलनामा कर्जा १९.८८% ले वृद्धि हो ।

बैंकको निष्कृय कर्जा 0.२३ %, जोखिम युक्त सम्पत्ति १५.७०%, सिडि रेसियो ७५.६५ % रहेको छ । बैंकको प्रति शेयर आम्दानी २९.९६ रुपैयाँ, मूल्य आम्दानी अनुपात २६.६० गुणा, प्रति शेयर नेटवर्थ १ सय ७२ दशमलब ९३ रुपैयाँ र तरलता अनुपात ३७ % रहेको छ ।