काठमाडौँ – नेपाल कम्युनिस्ट पार्टी र नेकपा (क्रान्तिकारी माओवादी)को उच्चस्तरिय वार्ता सम्पन्न भएको छ । पार्टी एकताको विषयलाई लिएर दुबै पार्टीका शिर्ष नेताहरुबीच भएको वार्तामा तीन बुँदे सहमति भएको छ ।
आइतबार भएको वार्तामा जनयुद्ध दिवससँगै मनाउने, राष्ट्रिय स्वाधिनता, भ्रष्टाचार, जनजिवीकाका विषयमा संयुक्त रुपमा संघर्ष गर्ने र कम्युनिस्ट आन्दोलनलाई एकीकृत र ध्रुविकरण गर्ने दुबै पार्टीका शिर्ष नेताहरुले सहमति गरेका छन् ।
पार्टी एकताबारे थप छलफल गर्दै जाने सहमति भएको बताइएको छ । दुबै पार्टी एकता गर्ने निर्णय गरिसकेका छन् । क्रान्तिकारी माओवादीले स्थायी समिति बैठकले एकताको लागि भन्दै वार्ता टोली बनाउने निर्णय गरेको थियो ।
