">
काठमाडौँ – व्यवस्थापिका संसदलाई सम्बोधन गरेर राजीनामा दिने तयारीमा रहेका प्रधानमन्त्री पुष्पकमल दाहाल प्रचण्ड संसद भवन बानेश्वर आइपुगेका छन् ।
मंगलबार नै सदनलाई सम्बोधन गर्ने तयारी भए पनि प्रमुख प्रतिपक्षी एमालेले अवरोध गर्ने बताएपछि बैठक बस्न सकेन । सोही कारण प्रधानमन्त्रीको सम्बोधन बुधबारका लागि सरेको हो । बिहान ११ बजेका लागि बोलाइएको बैठक सुरु हुन सकेको छैन ।
संसद सुचारु गर्ने विषयमा छलफल गर्न प्रधानमन्त्री पुष्पकमल दाहाल प्रचण्ड र कांग्रेस सभापति शेरबहादुर देउवाले संसद भवनमा एमाले अध्यक्ष केपी शर्मा ओलीलाई पर्खिरहेका छन्। तर, ओली अझैसम्म आइपुगेका छैनन् । – काठमाडौँ टुडे
