">
नेपाल राष्ट्र बैंकले मुद्दती निक्षेपको रुपमा बैंकिङ प्रणालीमा साढे तीन अर्ब रुपैयाँ पठाउने भएको छ । बुधवार नेपाल राष्ट्र बैङ्कले सूचना जारी गरी एक वर्षका लागि तीन अर्ब ४९ करोड ७४ लाख ९८ हजार रुपैयाँको मुद्दती निक्षेप लिन बैङ्क तथा वित्तीय संस्थालाई प्रस्ताव गरेको हो । क, ख र ग वर्गका बैंकमा केन्द्रीय बैंकले आफ्नो विभिन्न कोषमा रहेको सो रकम २०७४ वैशाख ४ गतेदेखि २०७५ वैशाख १ गतेसम्मका लागि १ वर्षे मुद्दती निक्षेपका रूपमा लगानी गर्न बुधवार आह्वान गरेकोे हो ।
सो रकममध्ये वाणिज्य बैंकहरूमा दुई अर्ब ७९ करोड ८० लाख रुपैयाँ, विकास बैंकहरूमा ५२ करोड ४७ लाख २४ हजार रुपैयाँ र वित्त कम्पनीमा १७ करोड ४८ लाख ७४ हजार रुपैयाँ मुद्दती निक्षेप राख्ने सूचनामा उल्लेख छ । नेपाल राष्ट्र बैंककोे वित्त व्यवस्थापन विभागले मुद्दती निक्षेपका रूपमा लिन चाहेको रकम र ब्याजदर खुलाई चैत १८ गते बिहान ११ बजेभित्र प्रस्ताव पेश गर्न अनुरोध गरेको छ ।
मुद्दती निक्षेपका रुपमा केन्द्रीय बैंकबाट रकम लिन चाहने बैंकहरुले निम्न शर्तहरु पूरा गरेको हुनुपर्नेछ ।
राष्ट्र बैंकले यसअघि, गत फागुन १३ गते साढे ७२ करोड रुपैयाँ र माघ २३ गते १ अर्ब ५७ करोड ९७ लाख ३७ हजार रुपैयाँ १ वर्षे मुद्दती निक्षेपका रूपमा लगानी गरिसकेको छ ।
