बेरोजगार नेपाली युवा युवतीका लागि खुसीको खबर छ । झण्डै ७५ हजार युवा युवतीले स्थानीय तहको निर्वाचनमा जागिरे बन्न पाउने भएका छन् ।
गृह मन्त्रालयले स्थानीय निर्वाचनलाई लक्षित गर्दै ७५ हजार युवा युवतीलाई म्यादी प्रहरीको रुपमा परिचालन गर्ने भएसँगै रोजगारीको ढोका खुलेको हो । नेपाल प्रहरीले बिहीबार सूचना जारी गर्दै ७५ हजार म्यादी प्रहरीको लागि आवेदन माग गरेको छ ।
म्यादी प्रहरीमा आवेदन दिनका लागि १८ वर्ष पूरा भई ५४ वर्ष पार नगरेको हुनुपर्ने छ । यस्ता व्यक्तिहरुले म्यादी प्रहरीको लागि आवेदन दिनसक्ने जनाइएको छ । इच्छुक आवेदकले नेपाल प्रहरीले प्रत्येक जिल्ला प्रहरी कार्यालयमा आवेदन दिन सक्ने व्यवस्था गरेको छ ।
म्यादी प्रहरीको जागिरको अवधी ५५ दिनको हुनेछ । म्यादी प्रहरीका लागि मासिक १७ हजार २ सय ३० रुपैयाँ कमाउन सक्ने छन । आवेदन दिनसक्ने मिति चैत १७ गतेसम्म रहेको छ । इच्छुकले आवेदन फारम भर्न पाउने व्यवस्था रहेको छ ।
