काठमाडौं – प्रधानमन्त्री पुष्पकमल दाहाल प्रचण्डले राज्य मन्त्री इन्द्रबहादुर बानियाँको जिम्मेवारी हेरफेर गरेका छन् । यसअघि संस्कृति, पर्यटन तथा नागरिक उड्ययन राज्य मन्त्री रहेका बानियाँलाई गृह राज्य मन्त्रीको जिम्मेवारी दिएका गृह मन्त्री विमलेन्द्र निधिका प्रेस सल्लाहकार रामजी दाहालले जानकारी दिए ।

 केही दिनअघि मन्त्रिपरिषद विस्तार हुँदा नेपाली कांग्रेसको नेतृत्वमा रहेको पर्यटन मन्त्रालयको जिम्मेवारी राप्रपाका नेता दिलनाथ गिरीलाई दिइएको थियो । मन्त्रालय अर्कै पार्टीको नेतृत्वमा पुगेपछि राज्य मन्त्री पनि हेरफेर गरिएको हो । पर्यटन मन्त्री रहेका कांग्रेस नेता जीवनबहादुर शाहीलाई हाल खानेपानी तथा सरसफाइ मन्त्रीको जिम्मेवारी दिइएको छ ।