ज्यानमारा मुद्धामा सर्वोच्च अदालतबाट प्रमाणित अपराधी बालकृष्ण ढुंगेललाई प्रहरीले पक्राउ गर्न नसकिएको जफाव सर्वोच्चामा पठाएको थियो । उनी ओखलढुंगाका पूर्व संसदपनि हुन् । तर प्रहरीले पक्राउ गर्न नसकेको भनिएका यी पूर्व संसदभने निर्धक्क डुलिरहेका छन् । यतिमात्र होइन उनी सार्वजनिक कार्यक्रमका अतिथि हुनेदेखि धार्मिक कार्यक्रमहरुमा समेत सहभागी भइरहेका छन् । 

प्रसङ्ग गत फागुन ८ गते ओखलढुंगाको गाम्नांगटार गाविसको वडान नम्बर ५ स्थित खरबारीमा प्रेमप्रसाद भट्टराईको घरमा लगाइएको सप्ताहको । उक्त सप्ताह पूरानमा तिनै जेल भुक्तान गर्न बाँकी रहेका बालकृष्ण ढुंगेल पुगे । त्यो पनि एक्लै होइन, ओखलढुंगाका सांसद रामहरि खतिवडासँग । खतिवडा केहि समय अगाडी रोलेक्स घडी काण्डका कारण चर्चामा आएका थिए ।

अचम्मको कुरा त झन् के छ भने ढुंगेल फरार रहेर भेटाउन नसकिएको भन्दै अदालतलाई जवाफ पठाएको प्रहरीको कार्यालय सप्ताहस्थलभन्दा दुई सय मिटर नजिकै छ । ढुंगेल त्यहाँ पुगेको खबर पाउँदा समेत प्रहरीले माथिल्लो निकायमा खबर समेत गरेन । यसले एकातर्फ कानुनको त धज्जी उडिरहेको छ नै, नेपालमा पैसा र पाओर भएपछी कुन हदसम्मको मनपरी हुँदो रहेछ भन्ने स्पष्ट गरेको छ । 

तस्वीरमा माला लगाएका तीनजना क्रमशः कांग्रेसका जिल्ला सभापति प्रदीप सुनुवार, फरार बालकृष्ण ढुंगेल र सांसद रामहरि खतिवडा, तस्वीरः दीपक भट्टराईको फेसबुकबाट