काठमाडौं – त्रिवेणी विकास बैंककोे तीन लाख ५८ हजार ६०.४२ कित्ता सेयर लिलामीमा सकार्ने बिहीबार अन्तिम दिन हो । बिहीबार बैंकिङ कार्यालय समयभित्र यो सेयरमा टेन्डर भरिसक्नुपर्नेछ ।

 त्रिवेणीले दुई लाख २९ हजार १४३.४५ कित्ता सेयर सर्वसाधारण समूह र एक लाख २८ हजार ९१६.९७ कित्ता संस्थापक समूहको सेयर लिलामीमा ल्याएको हो । एक सय रुपैयाँ न्यूनतम मूल्य आधार मानेर त्यसभन्दा बढी भाउमा बोलपत्र पेस गर्नुपर्नेछ ।

 बैंकले हकप्रद निष्कासन गर्दा बिक्री नभएको सेयर यतिबेला लिलामीमा बिक्री खुला गरेको हो । यसअधि त्रिवेणीलले कात्तिक २३ देखि मंसिर २७ गतेसम्म हकप्रद सेयर बिक्री खुला गरेको थियो । आवेदकले एस क्यापिटल लिमिटेड लालकोलनीमार्ग, लालदरवार काठमाडौं तथा त्रिवेणी विकास बैंकको केन्द्रीय कार्यलय थापाथली काठमाडौंबाट आवेदन फारम भर्न र बुझाउन सक्नेछन् ।

 त्रिवेणीको बिक्री प्रबन्धक एस क्यापिटल हो । बोलपत्र माघ २१ गते दिउसो ३ बजे एस क्यापिटल लिमिटेड लालकोलनीमार्ग लालदरबार काठमाडौंमा खोलिनेछ ।