काठमाडौं – नेपाली काँग्रेसका नेता एवं सरकारका उपप्रधान एवं गृह मन्त्री बिमलेन्द्र निधीले पार्टी नीति बिपरित प्रदर्शनमा उत्रिएको भन्दै कार्यकर्ताको सातो खाएका छन् ।

गुल्मीको भाडागाउँमा पुगेका मन्त्री निधीले सरकारले संसदमा पेस गरेको संविधान संशोधनको विरोधमा किन उत्रिएको रु भन्दै कार्यकर्ताको सातो खाएका हुन् । उनले सिमाङ्कन हेरफेर गुल्मी, पाल्पा, आर्घाखाँची लगायतका जनताको हितमै रहेकाले एमालेको पछी नलाग्न र पार्टी निर्णयको पक्षमा वातारण बनाउन नेता तथा कार्यकर्तालाइ निर्देशन दिए ।

नेकपा एमालेले अनावश्यक आन्दोलन चर्काएको र संसदलाई समेत चल्न नदिएर राष्ट्रियता विपरित काम गरेको निधिको टिप्पणी छ । मन्त्री निधीले नेकपा एमाले संघीयता बिरोधी पार्टी भएको भन्दै झुटको खेती गरेर आन्दोलनमा लाग्नेहरुबाट आफ्ना नेता कार्यकर्तालाई सतर्क रहन आग्रह गरे ।

‘संसद् अवरुद्ध गर्नु भनेको संसदीय, लोकतान्त्रिक र संवैधानिक तीनवटै प्रक्रिया अवरुद्ध पार्ने काम भएको छ,  उनले भने— “उक्त प्रवृतिले राष्ट्रहीत नभइ राष्ट्रघात गर्ने काम मात्र भएको छ ।”