काठमाडौं – एमाले भात्रृ संगठन रुपेन्देहीका अध्यक्ष दुर्गा तिवारीको हत्या अपराध स्वीकार गर्ने मनोज पुनलाई एमालेकै सक्रियतामा एक पटक प्रहरी कैदबाट मुक्त गरिएको खुलासा भएको छ । एमालेका पूर्व कार्यकर्ता समेत रहेका  देवदह नपा ६ का २८ वर्षीय मनोज पुन भन्ने पनोज बुढाको मगर हातहतियार तथा खरखजाना मुद्दामा पक्राउ परेका थिए । तर पाँच बर्षअघि एमालेकै दवावमा उनीबिरुद्ध किटानी जाहेर गर्न नदिई थुना मुक्त गरिएको एक प्रहरी अधिकृतले बताए ।

पुन एमालेको कार्यकर्ता रहँदा चन्दा असुली र गुन्डागर्दी गर्दै आएका थिए । सानातिना ठेक्का पट्टादेखि चन्दा असुल गर्न थालेपछि उनलाई प्रहरीले पक्रउ गरेको थियो । तर करिव पाँच बर्षअघि उनलाई एमाले स्थानीय नेताहरुको दवावमा छुटाईएको थियो । एमालेको दवावमा छुटेका पुनले फेरी गुन्डागर्दी र चन्दा आतंक मच्चाउन थालेपछि एमालेले निलम्बन गरेको थियो । आफुलाई निलम्वन गराउन दुर्गा तिवारीको हात रहेको उनले आरोप लगाउँदै आएका थिए । पुनको चन्दा आतंकबिरुद्ध तिवारी सक्रिय पनि भएका थिए ।

तिवारीसँगको रिसीवी राखेका पुनले  ९ महिना अघि  गोली प्रहार गराएका थिए भने २० लाख रुपैयाँ फिरौती मागेका थिए । त्यसपछि फरार रहेका मनोजबिरुद्ध संगठित अपराध हातहतियार खरखजाना र ज्यान मार्ने उद्योग जस्ता मुद्दा लागेका थिए ।