काठमाडौं – आइतवार नेप्से परिसूचक शून्य दशमलव ४२ प्रतिशतले घटेको छ । १ हजार ५ सय ३० बिन्दुबाट खुलेको शेयर बजार २ घण्टाको व्यापारमा ६ दशमलव ३७ अङ्कले घटेर १ हजार ५ सय २३ दशमलव ६९ बिन्दुमा पुगेको हो । 

होटल समूह बाहेक कारोबारमा आएका सबै समूहको परिसूचक घटेपछि समग्र नेप्से परिसूचक ओरालो लागेको हो । यस व्यापार अवधिमा १ सय १२ कम्पनीको १ हजार ७ सय ८७ पटकको व्यापारमा रू। २९ करोड ८ लाख बराबरको शेयर कारोबार भएको हो ।

होटल समूहको परिसूचक शून्य दशमलव ६९ प्रतिशतले बढेको छ । त्यस्तै, बैङ्किङ समूहको परिसूचक शून्य दशमलव ५९ प्रतिशत, वित्त कम्पनीको शून्य दशमलव ४२, बीमाको शून्य दशमलव ३६,  विकास बैङ्कको शून्य दशमलव १६, जलविद्युतको शून्य दशमलव १४, ‘अन्य’ को शून्य दशमलव १२ र उत्पादन तथा प्रशोधनको शून्य दशमलव १ प्रतिशतले घटेको हो ।