काठमाण्डौ – आसन्न निर्वाचनलाई मध्यनजर गर्दै जिल्ला निर्वाचन कार्यालय भक्तपुरले गाउँ गाउँमा फोटोसहितको मतदाता नामावली सङ्कलन तथा अद्यावधिक कार्यक्रम सुरू गरिएको छ । कार्यालयले भोलि पुस १ गतेदेखि आगामी माघ ५ गतेसम्ममा गाउँ(गाउँमा फोटोसहितको मतदाता नामावली सङ्कलन तथा अद्यावधिक कार्यक्रम सञ्चालन गर्ने जिल्ला निर्वाचन अधिकृत उमेश राईले जानकारी दिनुभयो दिए ।

जिल्लाका छवटा नगरपालिकाको सबै वडा कार्यालयमा दुई दिनका दरले ९३ स्थानमा नामावली सङ्कलन केन्द्र राखेर मतदाताको नामावली सङ्कलन तथा अद्यावधिक गरिने उहाँको भनाइ थियो । विसं २०७० को संविधानसभाको निर्वाचनअघि एक लाख ४९ हजार ५५८ मतदाता रहेकोमा हाल एक लाख ६३ हजार ५१० जना मतदाता रहेको निर्वाचन कार्यालयले जनाएको छ ।

जसमा महिला ८३ हजार १७४ र पुरुष ८० हजार ३३५ तथा एकजना तेस्रोलिङ्गी मतदाता रहेका छन् । हाल कुल जनसङ्ख्याको ५३।६७ प्रतिशत मतदाता रहेका छन्  ।